ඕනෙම කෙනෙකුගෙන් "ජෝස්" Jaws ගැන ඇහුවොත් එය නොදන්න කෙනෙක් නැති තරම්. ස්ටීවන් ස්පීල්බර්ගේ මෙම සිනමා සිත්තම ලොව කැළඹුවා පමණක් නොව, මිනිසුන් තුල සාගරය ගැන ඉමහත් භීතියක් ඇති කිරීමටත් සමත් වූවා. මේ චිත්‍රපටය නිපදවූයේ සත්‍ය සිදූවීමක් අළලා යැයි පැවසුවොත් ඔබට කුමක් සිතෙයි ද?
චිත්‍රපටය තරම් ත්‍රාසජනක සිදුවීමක් නොවුනද, මෙම ඛේදවාචකය ජෝස් පමනක් නොව, තවක් සිනමා සිත්තම් විශාල ප්‍රමාණයක් නිපදවන්න මුල් වුන සිද්ධියක් වුනා.
1916 ජූලි 1 සහ 12 ඇතුළත මිනිසුන් පස් දෙනෙකු ජර්සි වෙරළ තීරය දිගට මෝර ප්‍රහාර වලට ගොදුරු වුන අතර, මෙයින් ජීවත් වෙන්න වාසනාව තිබ්බේ එක් පුද්ගලයෙකුට පමණයි.
ගොදුරු වූවන්......
ජූලි 1 වැනිදා.....
එන්ග්ල්සයිඩ් තානායමේ නැවතී සිටි 25 හැවිරිදි චාල්ස් එප්ටින්ග් වන්සන්ට් නම් තරුණයා අසල බල්ලෙකු සමඟ මුහුදේ පිහිනන්නට ගියේ රාත්‍රී ආහාරයට පෙරයි. එක්වරම ඔහුගේ විලාප් ඇසුනු වෙරළාරක්ශකයෙක් දුටුවේ විශාල මෝරෙක් ඔහුගේ දෙපා වලින් අදින අයුරුයි. වන්සන්ට් ගේ අත්වලින් ඇද ඔහුව ගොඩබිමට ගන්න තෙක්ම මෝරා තම ගොදුර අත් ඇරිරේ නෑ. චාල්ස් වන්සන්ට අධික රුධිර වහනය නිසා තානායම් කාර්‍යාලයේදීම මරු වැළඳගත්තා.
ජූලි 6 වැනිදා....
එසෙක්ස් ඇන්ඩ් සසෙක්ස් හෝටල් සේවකරෙකු වූ චාල්ස් බෲඩර් නම් 27 හැවිරිදි තරුණයා වෙරළට යාර 130ක් නුදුරෙන් පිහිනමින් සිටියදී මෝර ප්‍රහාරයට ලක්වුනා. ඔහුගේ කකුල් දෙකම සපා කා කඳෙන් වෙන් කර තිබූ අතර, ඔහුගේ උදරයද බරපතල ලෙස තුවාල ලබා තිබුනා. ඔහුගේ ලෙයින් මුහුද රතු පාටට හැරෙද්දි, ඔහු නැගූ විලාප ඇසුනු කාන්තාවක් වෙරළාරක්ශක සේවයට එය දැනුම් දුන් අතර, ඔහුව වෙරළට රැගෙන එද්දී අධික රුධිර වහනයෙන් ඔහු මියගියා.
ජූලි 12 වැනිදා
මුහුදු ගිය ධීවරයන් අඩි 8ක් දිග මෝරෙක් වෙරළට ආසන්නයේ රැඳී සිටින වග බලධාරීන්ට දැන්වුවද, ඔවුන් එය බැහැර කළහ. මේ අතර, 11 හැවිරිදි ලෙස්ටර් ස්ටිල්වෙල් සහ තවත් ළමුන් පිරිසක් මැටවන් හි වෙරළෙහි සෙල්ලම් කිරීමට ගියහ. එක්වරම ඔවුන් මෝරෙක් දුටුවහ. හැමදෙනාම ගොඩට ආ නමුත්, ලෙස්ටර් ගේ කකුලෙන් ඇද ඔහුව දිය යටට ගෙනයාමට මෝරා සමත් විය.
උදව් ඉල්ලා එන ළමුන් දුටු වැඩිහිටියන් කිහිප දෙනෙක් වෙරළට සෝදිසි කරන්නට ආ අතර, ස්ටැන්ලි ෆිශර් නම් තරුණ ව්‍යාපාරිකයා ද ඒ අතර සිටියේය. මෝරා රැස්ව සිටි පිරිස ඉදිරිපිටදි ම ස්ටැන්ලි තරුණයාව දිය යටට ඇදගෙන යන්න හැදුව අතර, මිනිසුන් ඔහුව ගොඩබිමට ඇදගත්හ. එහෙත් ඔහු අධික රුදිර වහනයෙන් මියගියේ කළවා ප්‍රදේශයෙන් ඔහුගේ කකුල වෙන්වූ හෙයින් ඇතිවූ තුවාලයෙනි.
එදිනම ජෝසෆ් ඩන් නම් 14 හැවිරිදි තරුණයා ද මෝර ප්‍රහාරයකට ගොදුරු වුයේ කළින් සිදුවූ අවාසනාවන්ත මරණ දෙකට විනාඩි 30කට පසු ඊට ළඟ තැනකයි. ඔහුගේ සහෝදරයා සහ යහළුවා ඔහුව මෝරාගෙන් ඉවතට ඇදගත්තේ දැඩි පරිශ්‍රමයකිනි. ඔහු සුවය ලබා සැප්තැම්බර් 15 වන දින රෝහලෙන් නිදහස් කරනු ලැබිණ.
ඝාතකයා අඳුනා ගැනීම.......
සාක්ශි දුන් පිරිස පැවසූවේ මිනීමරු මෝරා අඩි 9ක් දිගු එකෙක් බවයි. මරණ වලට පසු මෝරුන් කිහිප දෙනෙක් අල්ලා ගත්තද, අල්ලා ගැනුනු අඩි 8ක් පමණ දිග සුදු මෝරෙක් මරණ වලට වගකිවයුතු බව හැමදෙනාගේම මතය විය.
No comments:
Post a Comment