මට මහ ලැජ්ජයි කියන්න, ඒත් මට ලේ පෙරෙන ඒව බලන්න බෑ. මම දෝයි ගාල කලන්තෙ දාල වැටෙන්නෙ නැහැ, ඒත් ඒ මනුස්සයාගෙ තුවාල වුනේ අත නම් මගෙත් අත රිදෙනවා....කකුල නම් මගෙත් කකුල රිදෙනවා.
ඔන්න දවසක් මම ඉස්කෝලෙ යනවා තාත්තත් එක්ක. ඉස්සරහින් ගිය බස් එකේ ෆුට් බෝඩ් එකේ හිටපු කොල්ලෙක් අර "ඇඩ් එකට" කොල්ලො බස් එක නවත්තන්න කලින් ෆුට් බෝඩ් එකෙන් පනින්නෙ.....අන්න එහෙම පැන්නා.....ඒත් එයාව පාරෙ වැටුනා.....දැන් අත බරු ගිහිල්ලා ගන්න දෙයක් නෑ......ඒ පාර මෙන්න මගේ අත රිදෙන්න ගත්තා!!! දැන් මම දාගෙන මගේ අත අත ගාගන්නවා....
ඒ අස්සෙ තාත්ත අහනවා,
"ඒ යකා වැටුනම ඇයි ඔයාගෙ අත රිදෙන්නෙ?"
නිකන් හරියට
"මලිත්ට ගැහුවම ඇයි චංචලා අඬන්නෙ" වගේ..
මම ඉතින් "නෑ නිකම්.." කියලා ශේප් වුනා......ඔන්න මම ඉස්කෝලෙ ගියයි කියමුකෝ.....මගෙ යාළුවෙක් ඉන්නවා (අර අනේ මට කොල්ලෙක් නැතුව ජීවිතයක් නෑ ගාගෙන ඉන්න ටයිප්.) මම ඉතින් වෙච්චි පලහිලව්ව එයාට කිව්ව.
මෙයා මුළු ඉස්කෝලෙටම ඇහෙන්න කියාපි,
"ආනේ, ඔය දෙන්න පතාගෙන ආව එකක්ද කොහෙද..." කියලා.....
No comments:
Post a Comment